Rakel Jónasdóttir

Varúð hætta á ferð!

2003-11-25T11:38:00.000Z

Fyrir þá sem hafa eitthvað fylgst með blogginu mínu muna sjálfsagt eftir klikkaða pðítsusendlinum sem kom með æátum inn til mín. Hvað um það ég sá hann aftur og í þetta sinn á göngum KHÍ þannig að kæru samnemendur gætið ykkar ef þið sjáið mann í úlpu sem merkt er Hróa Hetti því hann er ekki jafn saklaus og hann lítur út fyrir að vera.

Slóð inn á skilasíðuna

2003-11-20T14:44:00.000Z

Hér kemur slóðin inn á skilasíðuna mína

Hvert er málið?

2003-11-20T11:26:00.000Z

Hvað er það að hrúga inn endalaust af verkefnum síðustu vikurnar í skólanum? Ætti maður ekki núna að hafa tíma síðustu vikuna til þess að anda og undirbúa sig fyrir próf. Ég verð allavega að segja að ég verð voða fegin í lok næstu viku þegar þessa verkefni verða afstaðin. Annars er lítið að gerast þessa dagana annað en verkefnavinna og aðeins meiri verkefnavinna......

Jæja já

2003-11-18T10:59:00.000Z

Þetta var mögnuð helgi, voða róleg og þægileg. Ég er alveg úthvíld og hress, Jói hefði samt alveg mátt vera lengur. Ég verð nú að viðurkenna að ég gréti það ekki þótt hann hætti í Kárahnjúkum og færi að vinna í bænum. Pabbi lifði af helgi í borginni og ætlar meira að segja að vera hér um jólin sem er mikil framför. Hann sem vill alltaf vera heima á Sigló í paradísinni eins og hann segir sjálfur. Hann skilur alls ekki hvað það er sem togar alla í borgina, sem er fínt því það er svo gott að geta kíkt í heimsókn í fjörðinn.

Hæ hæ

2003-11-14T09:43:00.000Z

Ég er nánast búin með vefinn minn í sagnfræði það eina sem er eftir eru myndatextarnir. Ég ætla nú samt að setja inn slóðina og þeir sem vilja geta litið á söguna um hann Fidda. Vonandi líst ykkur ágætlega á þetta. Annars er bara allt í góðu hjá mér. Jói er heima núna og í kvöld er ég með alla fjölskylduna í mat því pabbi er að mæta í bæinn í kvöld. Hann er nú ekkert voða hrifinn af þessari borgarmenningu get ég sagt ykkur og minnir oft dálítið á Beverly Hillbillies þegar þau mættu í borgina í fyrsta sinn. Hann kemur nú samt reglulega enda verður hann nú aðeins að sjá afkvæmin sín en systur hans búa líka á höfuðborgarsvæðinu. Þið ættuð að vera með honum í umferðinni, það er rosalegt og vissara að halda sér fast því þú getur engan vegin vitað hvenær hann tekur næst beygju!!!!!!

Endalaus vinna!

2003-11-12T08:35:00.000Z

Ég er að drukkna í öllu sem ég þarf að gera og get alls ekki séð neinn endapunkt á þessu. Djöfull væri nú gott að taka 2-3 daga í frí, bara til að liggja í leti og borða fullt af ruslmat!!!!

Hættan við að panta pítsu!!!

2003-11-04T11:57:00.000Z

Það er nú ekki alltaf allt jafn saklaust og það lítur út fyrir að vera eins og t.d. sú athöfn að panta pítsu. Þegar ég kom að norðan á sunnudag þá ákváðum ég og Jói að panta okkur pítsu en það varöð nú ekki alveg áfallalaust. Jú pítsan var pöntuð og hún kom í hús en ekki alveg á þann hátt sem pítsu gera yfirleitt. Pítsasendillinn hreinlega braust í gegnum heilt á leið sinni inn í blokkina, hann braut rúðuna í millihurðinni inn í blokkina. Hann sagðist aðeins hafa rekið sig í en það munaði nú ekkert um það því glerið fór í þúsund mola og skaust alla leið niður í kjallara og langleiðina upp á næstu hæð. Það er eins gott að þessi maður reki sig ekki í margt. Þetta var nú heldur ekki búið enn því sendillinn missti sig alveg og argaði og gargaði sem benti nú til þess að hér væri klikkhaus á ferð. Til að toppa þetta allt saman þá varð hann vitlaus þegar ég í sakleysi mínu ætlaði að borga með pening vegna þess að hann átti ekki skiptimynt!!!! Hafið því varan á þegar pítsa er á leið til ykkar.........
Þessi sendill var frá Hróa Hetti en ég get róað ykkur með því að mér var sagt að hann hefði verið rekinn og því ætti okkur að vera óhætt að panta þar í framtíðinni. Þeir hjá Hróa voru nú líka skjótir að bregðast við og gluggaviðgerðamaður var mættur á svæðið eftir smá stund og nýtt gler kom strax næsta morgun. Það mætti halda að þeir væru alltaf að lenda í þessu!

Það varð því ekkert úr þessu kósý kvöldi mínu þar sem ég ætlaði að leggjast upp í sófa og borða góða pítsu því loksins þegar þessu var öllu lokið var pítsan orðin skítköld og ég komin í heitt bað til að róa mig niður enda varð ég alveg fokíll!!!!! Þeir hjá Hróa ætla nú samt að bæta mér þetta upp og láta mig fá nýja pítsu og brauðstangir þegar mig langar næst í pítsu.

Ætti ég að leggja í að fá sent????? Ég veit ekki...........

Tilraun 2 tókst

2003-11-03T08:19:00.000Z

Hæ hæ ég er mætt aftur í borgina eftir fína helgi fyrir norðan, hefði samt alveg verið til í að vera aðeins lengur. Ég og Jói drifum okkur á fimmtudaginn á Krókinn og komumst klakklaust á sumardekkjunum, en núna eru vetrardekkin komin undir. Við höfðum nóg að gera alla helgina, en það var pabbahelgi hjá Jóa svo við vorum með Jón Daníel sem er nú að verða 10 mánaða og algjört krútt. Við kíktum á Sigló á föstudaginn og gistum þar eina nótt. Pabbi var voða feginn að við komum en mamma var veik svo hún lá aðallega undir teppi greyið. Við fórum síðan aftur á Krókinn á laugard. Ég verð nú samt að viðurkenna að ég er hálf þreytt eftir þetta enda ekki mín sérgrein að vakna kl. 6 en þá fer Jón Daníel á fætur.

Tilraun 2 til að fara norður

2003-10-30T11:23:00.000Z

Í kvöld ætla ég að gera aðra tilraun til þess að fara norður, en síðast þegar ég ætlaði breyttist það allt á síðustu stundu. Í kvöld ætti þetta nú samt að ganga eftir, eða það vona ég allavega. Eini gallinn er að ég er enn á sumardekkjunum og vetrardekkin mín eru fyrir norðan!!! Þetta verður því líklega löng ferð....

enn einn vefurinn

2003-10-30T11:18:00.000Z

Hæ hæ nú er tæ¦knin alveg að drepa mig því ég er að vinna að enn einum vefnum. Þessi vefur sem ég er að gera núna er í sagnfræði og sögunám. Ég læt nnú slóðina hér inn Þegar þessu er lokið svo þið getið kíkt ef þið viljið.

Magadans

2003-10-27T11:02:00.000Z

Kíkið á þssa síðu um magadans, ég er viss um að þetta er algjört æði.

Hey

2003-10-27T10:51:00.000Z

Í síðustu viku tókum við kennsluverkefnið okkar upp á videcmyndavél og var það nú bara gaman þegar á hólminn var komið. Enda er maður nú ekki þekktur fyrir annað en að hafa gaman af athyglinni! Það verður nú samt athyglisvert að sjá hvernig þetta kemur allt saman út á vefnum.
Annars er það að frétta að kjörsviðið mitt, samfélagsfræði, hélt bekkjarpartý á fimmtudag. Við hittumst heima hjá Pétri og það var sko alveg heljarfjör, mikið spjallað og drukkið...... Við skemmtum okkar allavega það vel að allir virtust týna tímaskininu. Óhætt er þó að fullyrða að skemmtunin hafi ekki verið eins mikil þegar vaknað var næsta dag.

Óvissa 2003 í höfn

2003-10-21T11:28:00.000Z

Hæ hæ þetta var nú meiri helgin. Við fórum í keramik, á skauta, í leikfmi, í paint ball og á broadway í mat og á Motown sýninguna sem ég mæli eindregið með. Þetta gekk þó engann vegin áfallalaust fyrir sig. Þegar í paint ballið var komið lentu við í smá óhappi, Jóna féll ofan í skurð með þeim afleiðingum að kalla þurfti til sjúkrabíl. Hún reyndist hafa farið úr lið í hægri olboganum og einnig snúið sig ílla á sman svæði. Þetta þýddi smá babb í bátinn því´hún var sett í gifs og troðið í hana ýmsum lyfjum. Ferðin var þó kláruð, bara aðeins rólegra en planað var. Framhaldið hjá Jónu er 5 vikur í gifsi, 2 mánuðir frá vinnu og jafnvel sjúkraþjálfun, þetta varð því óvissa fyrir alla!!!
Ég og mamma kláruðum þó paint ballið og mæli ég með þessari skemmtun, her getið þið kíkt á heimasíðuna þeirra. Varist þó alla skurði og brýr!

Einn dagur í óvissu

2003-10-16T14:25:00.000Z

Jæja nú er þetta allt að skella á, óvissa 2003 hefst á morgun kl.15.30. Mamma og Jóna eru gjörsamlega að deyja úr spenningi og e-mailinu rignir inn þar sem þær eru að reyna að fá smá vísbendingar, en ekkert er gefið upp. Mamma er búin að minna mig á það oft að hún sé lífhrædd og hún ætli sko ekki að kafa eða fara í fallhlífastökk, hvað halda þær að við séum. Það er nú ekki tilgangurinn að ganga frá þeim endanlega, bara aðeins hrista upp í þeim!!!!

Halló

2003-10-14T11:33:00.000Z

Nú er maður loksins farin að verða svo tæknivæddur að ég er farin að nota WebCt í sagnfræði. Við erum með umræður þar íg angi sem gilda 15% af lokaeinkunn og því er betra að sýna smálit og taka þátt. Reyndar finnst mér þetta bara alveg ágætt.
Annars er það að frétta að Jói kemur heim í kvöld svo ég er voða ánægð í dag!!!!!

Hæ hæ

2003-10-13T15:27:00.000Z

Nú styttist í óvissuferðina og ég vildi bara láta vita að ég er voða spennt.

Hver er búin að lesa DV?

2003-10-11T20:16:00.000Z

Var bara að velta fyrir mér hver væri búin að lesa helgarblað DV. Þar er að finna eina þá ógeðslegustu grein sem ég hef lesið í langan tíma, greinin er um blóðsugu morðingaja og meðal þess sem hann gerði var að kryfja heila fjölskyldu á hol, drakk úr henni blóð og tók hluta af innyflum þeirra og ekki skánar það þegar hann borðar á eftir heila úr 22ja mánaða gömlu barna!!! Þetta gerist ekki mikið sjúklegra, allavega lítið á þetta. Ég ætlaði að setja link inn á þessa grein fyrir ykkur, en einhverra hluta vegna fann ég hana ekki á síðu DV, ekki alveg viss hvað klúður það var.

óvissa 2003

2003-10-09T14:34:00.000Z

Nú er það að verða árleg hefð hjá okkur mömmu ásamt vinkonu hennar, Jónu, og dóttir hennar, Sigrúnu, að fara fjórar saman í vissuferð. Í fyrra undirbjuggu mamma og Jóna ferðina og við skemmtum okkur alveg frábærlega. Meðal þess sem við gerðum var Go-kart, keila og matur, sýning og ball á Broadway. Það var mikið hlegið skal Ég segja ykkur.
Í ár erum ég og Sigrún að undirbúa ferð fyrir mömmur okkar. Þessi ferð verður 17-19 okt. og það stefnir í magnaða ferð, Ég segji ykkur frá því þegar ferðinni er lokið. Þetta er nefnilega allt svo mikið leyndó, enda eru mamma og Jóna að deyja úr forvitni. Mamma og Jóna eru hryllilega ungar Ãí anda og láta oft eins og fífl, þær eru yndislegar.

Hugmyndin er mjög góð að hafa eitthvað svona á hverju ári. Við fjórar höfum alltaf náð mjög vel saman og það er sífellt stuð í kringum okkur þegar við hittumst. Sigrún (22 ára) býr á Seyðöisfirði, Jóna á Egilsstöðumum og mamma á Siglufirði og þess vegna hittumst við ekki oft. Það er því frábært að eiga þennan tíma saman og gera eitthvað skemmtilegt. Stelpuferðir eru líka nauðsynlegar öllum kvennmönnum, það fyllir okkur orku (girlpower)!!!!

hey

2003-10-09T13:38:00.000Z

Hvað segist?
Loksins farin að sjá fyrir endann á hljóðfræðiverkefninu, sem betur fer.
Vildi jafnframt koma skoðun minni á framfæri um þennan umtalaða kynjakvóta. Að mínu mati er þetta tóm steypa, hvers vegna ættu karlmenn að komast inn í skólann á því einu að vera karlmenn!!!!!!!

Hljóðfræðiverkefni

2003-10-08T21:07:00.000Z

Hæ hæ, eins og allir á 2 ári þessa dagana þá er ég að kafna í þessu hljóðfræðiverkefni, þvílkt bras. Þetta er ekkert smá verkefni og að mínu mati mjög tímafrekt. Það þýðir nú samt lítið að tuða yfir því, þetta hefst á endanum eins og allt annað.
Gangi ykkur öllum vel að klára.

Hæ aftur

2003-10-07T13:35:00.000Z

Þetta gekk, ég hef nefninlega ekkert getað bloggað færslan mín eyðist alltaf út. allavega ég ætlaði bara aðeins að láta heyra í mér. Mér gengur ágætlega með vefsíðuna mína, persónuvefurinn er kominn langt á leið, en ég er að skrifa um starfsferil minn og svo gerði ég eina ´siðu á ensku. Það vantar samt enn allar myndir, en þær koma á endanum...

hæ hæ

2003-10-07T13:33:00.000Z

Smá prufa

Vefrallýið mitt er komið á netið!

2003-10-02T22:51:00.000Z

Hæ nú er vefrallýið mitt komið á netið. Endilega kíkið á vefrallý um náttúruhamfarir og mannlíf á heimasíðunni minni.

Ný hugmynd að kennsluverkefni

2003-10-02T11:26:00.000Z

Hæ hæ, nú langar mig að breyta hugmynd minni að kennsluverkefninu. Ég var að velta fyrir mér hvort ég geti eitthvað gert um heilsurækt í skólum. Hugmyndin er sú að reyna að koma með hugmynd að hvernig auka má almenna heilsurækt í skólum t.d. hafa 10 min. fyrir frímínútur þar sem gerðar eru æfingar...... veit engan veginn hvernig ég ætla mér að gera þetta. Þetta er bara hugmynd sem var að skjóta upp kollinum og þarf því að fara í vinnslu. Mér finnst nefnilega alveg sorglegt hve offita barna hefur aukist undanfarin ár.

Allir að blogga

2003-09-29T19:58:00.000Z

Hæ, ég má til með að segja ykkur hve dugleg ég og Tryggvi bróðir vorum í gærkvöldi. Við djúphreinsuðum sætin í bílnum mínum og bónuðum hann, bílinn er ekkert smá flottur!!!
Hvað tæknina varðar þá er hún að gera litla hluti fyrir mig þessa dagana því netið hefur verið bilað hjá mér, en nú er ég tengd á ný.
Hafið það sem allra best

Ekkert að frétta

2003-09-24T19:27:00.000Z

Hæ, hvað segist? Hjá mér er ekkert sérstakt að gerast þessa dagana en ég er á fullu að undirbúa óvissuferð sem farin verður 17-19 okt. nk. og það stefnir í rosa fjör......
Þessa stundina er ég bara heima að dunda mér við að taka til, voða stuð.

Bíógagnrýni

2003-09-18T22:36:00.000Z

Hæ hæ ég vildi bara láta ykkur vita að ég fór í bíó á myndina Once upon a time in Mexico og mæli ekki með henni. Þetta er tilvalin mynd til þess að taka á video en ekki til þess að fara á í bíó.....

Tæknin gerir innreið!

2003-09-18T15:38:00.000Z

Tæknisaga
Það er nú alveg deginum ljósara að tæknin er að gera innreið í líf okkar allra og enginn getur komist hjá því að aðlagast þessum lífsmáta.
Tæknin sem ég er að nota þessa dagana hefur aukist mikið frá því fyrir nokkrum árum síðan. Heima hjá mér er ég með tvær tölvur, eina 4 ára PC tölvu og eina HP fartölvu sem ég keypti síðasta haust. Ég nota fartölvuna mun meira því í henni eru öll mín skólagögn og öll þau forrit sem ég þarf að nota við nám mitt. Það er líka svo þægilegt að geta bara kippt henni með mér í skólann til þess að geta unnið áfram með verkefnin mín þar. PC tölvuna hins vegar keypti ég þegar ég var í fjölbraut og notaði hana töluvert þá en í dag er hún stútfull af einhverjum leikjum og drasli og Jói kærastinn minn notar hana töluvert. Báðar tölvurnar eru nettengdar, en ég er þó enn ekki komin með sítengingu, en það fer að líða að því að þannig tenging komi á heimilið. Tengingin sem ég er með eins og er, er í gegnum símann og að mínu mati er hún heldur hæg og fær hún því að fjúka fyrir sítengingu von bráðar.
Skólinn minn, KHÍ, er nokkuð vel útbúinn tölvum, en auðvitað mætti gera betur, eins og t.d. það að kerfið mætti alveg detta út töluvert sjaldnar. Mikið af verkefnum, námsáætlunum og öðrum upplýsingum frá kennurum má nálgast á vefnum. Einnig er WebCt stöðugt að koma meira inn í hið daglega skólastarf.
Ég persónulega nota netið töluvert og þá sérstaklega við að senda e-maila, en ég var í Ástralíu í eitt ár sem skiptinemi og ég sendi mikið póst þangað. Þetta hentar mér mjög vel því ég er voða léleg að skrifa bréf, byrja á þeim en klára þau aldrei. Það er því þægilegt að geta sest niður við tölvuna og skrifað nokkrar línur og sent síðan beint út. Þetta hefur gert það að verkum að ég hef haldið mjög góðu sambandi við fjölskyldu mína og vini þarna úti. Fyrir mína parta þá verð ég að segja að ég er viss um að ef ekki væri fyrir tölvupóst þá héldi ég mun minna sambandi við fólk mitt sem býr eða dvelur erlendis. Ég fór ekki að nota tölvupóst fyrr en eftir að ég kom að utan, en í dag er ég sífellt að senda póst. Jafnvel bara til vina minna í næsta húsi. Það er líka hentugt ef maður þarf að koma upplýsingum til skila til margra einstaklinga þá er hægt að senda bara einn póst á alla.
Fyrsta GSM símann minn eignaðist ég þegar ég var 18 ára og fannst það nú nokkuð flott. Í dag aftur á móti eiga gjörsamlega allir GSM, jafnvel börn á miðstigi grunnskóla. Gemsarnir hafa auðveldað okkur samskiptin að miklu leyti, allir eiga gemsa og því er nánast alltaf hægt að hringja í fólk ef manni vantar eitthvað. Foreldrar eiga auðveldara með að fylgjast með börnum sínum og svo eru það auðvitað sms sem flestir nota. Sms eru svo sem ágæt, en ég nota þau lítið mér leiðist að skrifa þau, en sumir nota þetta samskiptaform mikið. Þegar ég var nýkomin með GSM þá semdi ég sms villt og galið, en glansin er löngu farin af því, sem betur fer, þetta stelur tíma manns.
Í framtíðinni sé ég tæknina fyrir mér sem enn stærri þátt í lífi okkar. Það eru sífellt fleiri að kynna sér tölvuheiminn og þessi þróun mun halda áfram, yngri börn munu fara að notast enn meira við netið sem og eldra fólk. Tölvur munu jafnframt verða í auknum mæli þáttur í hinu almenna skólastarfi. Það líður örugglega ekki á löngu þangað til nemendur í efstu bekkjum grunnskóla fara að notast við fartölvur í tíma.

Þetta var bara smá prufa

2003-09-18T15:04:00.000Z

Nettengingin datt út svo ég var bara að athuga hvort þetta virkaði

Allt á hvolfi

2003-09-18T12:24:00.000Z

Hæ hæ.
Haldið þið að hann Jói hafi ekki mætt í bæinn í gær með endalaust af drasli sem á að komast fyrir heima hjá mér. Það er nú ekki alveg að ganga eftir og það er því all gjörsamlega á hvolfi hjá mér, ég hef sjaldan séð annað eins.
Ég hef því fullt að gera þegar ég kem heim..... og það sem verra er það er meira á leiðinni með flutningabíl!!!!!!

Breyting á áætlun

2003-09-14T13:15:00.000Z

Hæ hæ, ég fór ekki norður um helgina heldur skellti ég mér í frábæra nemendaferð á Laugarvatn á föstudaginn. Það var heljar stuð og djamm langt fram eftir nóttu.
Nemendafélagið á alveg hrós skilið fyrir skipulagningu þessa ferðar.

Hugmynd um kennsluverkefni

2003-09-11T15:44:00.000Z

Við gerð kennsluverkefnisins ætla ég að halda áfram að vinna með vefinn Náttúruhamfarir og mannlíf. Mín hugmynd er sú að láta nemendur kynna sér þessa vefsíðu vel. Síðan verður skipt niður í hópa þar sem hver hópur mun fá eina ákveðna tegund hamfara til þess að fjalla um t.d. einn hópur fær snjóflóð, annar eldingar o.s.frv.
Með því að skipta niður í hópa mun koma meiri vídd í verkefnið því í lokin munu allir hópar kynna niðurstöður sínar fyrir bekknum. Þannig eru heldur ekki allir að fjalla um það sama og því reynir á hvern hóp fyrir sig að vinna sjálfstætt að verkefni sínu.
Markmið verkefnisins verður það að hvetja nemendur til sjálfstæðra vinnubragða innan hópsins, þjálfa nemendur í að leita upplýsinga á vefnum sem og í bókum og þjálfa nemendurna í að koma fram.
Hver hópur mun fá ákveðnar spurningar til þess að vinna út frá en síðan er það undir hverjum og einum komið hve ítarlega þeir krifja málið.
Nemendum verða gefnar frjálsar hendur um það hvernig þeir skila verkefninu.

Vefrallý

2003-09-11T15:38:00.000Z

Hér koma nokkrar spurningar sem ég ætla að nota í vefrallýinu mínu. Vefurinn sem ég notaði heitir Náttúruhamfarir og mannlíf. Þessi vefur er uppfullur af fróðleik um náttúruhamfarir á Íslandi og fjallar einnig um ýmislegt í hinum stóra heimi.
Þetta vefrallý er ætlað fyrir 6-7 bekk og er ætlað sem kynnig á vefsíðunni og til þess að vekja áhuga nemenda á náttúrunni.

1. Hvaða tveir þættir hafa áhrif á myndun snjóflóða?
2. Hverjar eru helstu tegundir snjóflóðavarna?
3. Nefnið þær lofttegundir sem valda meirihluta gróðurhúsaáhrifa?
4. Hvaða áhrif hefur aukið magn gróðurhúsalofttegunda á hitastig í heiminum?
5. Hve hátt frá jörðu er ósonlagið?
6. Hvers vegna eru útfjólubláir geislar skaðlegir öllum lífverum?
7. Í hvað breytir ósonið útfjólubláum geislum sólarinnar?
8. Hvaða efni er það sem myndast þegar regn verður súrt?
9. Hvaða skaða veldur súrt regn?
10. Við hvaða aðstæður verða eldingar til?
11. Hve marga skóarelda í Bandaríkjunum á tímabilinu 1940-1975 mátti rekja til eldinga?
12. Hve hratt fara þrumur um himinhvolfið?
13. Titanic sökk 1912, hvað olli því að skipið sökk?
14. Hve margir voru um borð og hve margir drukknuðu?
15. Veðurfarslegar hamfarir eru á góðri leið með að kaffæra Dimmuborgir við Mývatn. Hvaða hamfarir eru þetta?
16. Hvaða áhrif getur hækkun sjávarhita haft á Golfstraumin og hvaða afleiðingar getur það haft fyrir Ísland?

Farin norður

2003-09-11T12:20:00.000Z

Hæ ég vildi bara láta vita að ég er að fara í helgarfrí, en ég er aldrei í skólanum á föstudögum. Ég ætla því að skella mér norður í kvöld og eyða helginni þar í sælunni.

Leikir á vefnum

2003-09-04T16:10:00.000Z

Leikurinn sem ég ætla að mæla með er Samhverfuleikurinn. Hann er nýr á markaðnum og eru höfundar hans þeir Ingvar Sigurgeirsson og Baldur sigurðsson. Þessi leikur er ætlaður börnum 10 ára og eldri og er markmiðið að þjálfa rökhugsun barna. Börnin eiga að finna orð sem bæði er hægt að lesa aftur á bak og áfram. Börnin verða því að hugsa mikið um það sem þau eru að gera og fikra sig áfram með hin ýmsu orð. Þetta má bæði skipuleggja sem hópverkefni sem og einstaklingsverkefni.

Nám og kennsla

2003-09-04T16:03:00.000Z

Sífellt meiri kröfur eru gerðar í nútíma skólastarfi að upplýsingatæknin komi við sögu í almennri kennslu. Þetta á orðið við í kennslu á hvaða stigi náms sem er. Flestir skólar eru farnir að hafa heimasíður um starfsemi sína og kennarar eru farnir að nýta vefin til að auðvelda foreldrum nemenda sinna aðgang að upplýsingum um það nám sem fram fer. Foreldrar geta þá einnig sent kennurum barna sinna e-mail og er því aðgangurinn á milli orðin mjög auðveldur.
Fjölbrautarskóli Vesturlands hefur farið af stað með nýja heimasíðu sem ætluð er til að aðstoða aðra kennar við að nýta netið í kennslu sinni. Þar eru leiðbeiningar um hvernig gera á heimasíðu og einnig ýmsar hugmyndir að aðferðum við að nýta netið í almennri kennslu. Saga internetsins er jafnframt rakin og mikilvægi þess er rakið. Ég myndi því eindregið mæla með þessari síðu fyrir þá kennara sem eru að fikra sig af stað í notkun netsins.
Annar góður miðill sem ég skoðaði var menntagátin. þar má finna ýmsar nytsamlegar upplýsingar um margt sem snýr að menntamálum. Sem dæmi má nefna eru fréttir af því sem fram fer í menntamálum dagsins í dag, upplýsingar um leikskóla, grunnskóla, háskóla, styrki, ráðstefnur og námskeið. Þessi vefur er reglulega uppfærður og því alltaf í takt við það sem er í gangi á líðandi stundu. Síðast en ekki síst má þarna finna tengla inn á aðrar síður er þar sérstaklega mikið um góðaleikjavefi.

Makaleit

2003-09-04T15:35:00.000Z

Tæknin er að taka öll völd í heiminum og það einnig við í tilfinningalífi fólks. Það er sífellt að aukast að fólk fer inn á hina ýmsu netmiðla til þess að kynnast nýju fólki hvort sem um vin eða maka sé að ræða. Þetta hljómar hálf vitlaust í byrjun, en þegar nánar er litið á þetta sést að þetta hentar sumum t.d. þeim sem eru mjög feimnir.
Hér verður bent á tvo netmiðla sem eru byggðir upp í þessum tilgangi.
Einkamál.is er mjög algengur íslenskur miðill. Þar má finna auglýsingar frá fólki frá ýmsum stöðum sem eru í leit að nýjum vinskap með jafnvel eitthvað meira í huga. Þar eru einnig litlar fréttir og upplýsingar. Ekki má nú heldur gleyma honum Dr. Love sem þar er með dálk. Þangað getur fólk sent inn fyrirspurnir um allt sem tengist samböndum og öðru þess háttar og svarar hann eftir bestu getu.
Annar algengur miðill er erlenda síðan friendster.com Þar er sama skipulagið við lýði, fólk fer þar inn í von um að hitta nýja einstaklinga. Þar er hver og einn með smá dálk um sjálfan sig um sumir skrá jafnvel vini sína inn í von um að geta leyst með því ástarvandamál þeirra....
Ég verða nú að segja fyrir mína parta að þetta heillar mig ekki.

Netþýðandinn

2003-09-04T14:45:00.000Z

Hér er netþýðandinn sem er nauðsynlegur við að umbreyta íslensku stöfunum í htlm. kóða

Upplýsingatækni og skólastarf

2003-09-04T14:11:00.000Z

Ég skráði mig á þetta námskeið þar sem tölvukunnátta mín er ein sú allra slakasta!!! Vonandi mun mér takast að læra einhvern slatta í vetur svo ég geti nú farið að gera eitthvað af viti án þess að þurfa alltaf hægri hönd mér við hlið.

Stafsetningarvitleysa

2003-09-04T14:06:00.000Z

Það getur verið hættulegt að gera stafsetningarvillur eins og sjá má í þessu dæmi.

Fréttir á netinu

2003-09-04T13:57:00.000Z

Ég les oftast fréttir á netinu á hverjum degi. Oftast fer ég inn á Morgunblaðið og les fréttirnar þar. Einnig er ágætt að kíkja á Fréttablaðið stöku sinnum.
Hér tengi ég beint í náms- og kennsluskrá Kennó

Kynnig á mér

2003-09-04T13:18:00.000Z

Hæ hæ, ég heiti Rakel og er á 3. misseri í Kennó. Ég er fæddist á Siglufirði 11 apríl 1981 og er uppalin þar. Að loknum grunnskóla fór ég í Fjölbrautarskóla Norðurlands-vestra á Sauðárkróki. Eftir eina önn var ferðinni heitið til Ástralíu þar sem ég dvaldi sem skiptinemi í eitt ár. Stúdentsprófið var í höfn vorið 2001.
Í dag bý ég á Kleppsveginum ásamt kærastanum mínum, Jóa. Hann er að vinna í Kárahnjúkavirkjun og er því yfirleitt í burtu.
Í fyrra gerði ég vefsíðu sem þið getið kíkt á.